Уфа гастрольләре тәмамланды.
Кичә Уфада Мәҗит Гафури исемендәге Башкорт академия драма театры сәхнәсендә Әлмәт татар дәүләт драма театры гастрольләре уңышлы тәмамланды. Татарстан Республикасыннан килгән иҗат коллективының визиты Уфа тамашачыларында зур кызыксыну уятты һәм һәм профессиональ җәмәгатьчелекнең югары бәясен алды.
Гастроль программасы тәмамлангач, Татарстан Республикасының Башкортостан Республикасындагы даими вәкиле Илсур Ихсанов Әлмәт театры директоры Фәридә Исмәгыйлевага һәм театрның бөтен коллективына күрсәтелгән спектакльләре һәм югары театр сәнгате белән танышу мөмкинлеге өчен, шулай ук тамашачыларга аларны җылы кабул итүләре өчен рәхмәт белдерде.
