"И'тальян" спектакленең иҗат төркеме турында мәгълүмат белән уртаклашабыз.
Бу рәссам-сценограф Әнвәр Гомәровның Әлмәт театрында тәүге эше. Ул Санкт-Петербургта яши һәм эшли һәм туган тамырларына кайту аның өчен аеруча дулкынландыргыч булды.
"Мин татар, - дип сөйли рәссам. - Ләкин, татар телен тулысынча белмим. Әмма сөйләм балачактан ук таныш. Өйдә барысы да татарча сөйләште: әби, бабай, әти-әни. Татар сөйләме - ул җылылык, игелек, гаилә бердәмлеге тойгысы. Һәм мин бу театрга эләккәч, мин өйгә кайттым сыман тоелды. Бу искиткеч дулкынландыргыч хис".
Әнвәр Гомәров эскизлары буенча эшләнгән декорацияләр, ул сәхнә киңлеге генә түгел, ә мәдәниятләр очрашу урыны да: диңгез буендагы кояшлы Италия шәһәре татар җиренә «үсеп» керә, дулкын тавышы мөнәсәбәтләрне ачыклау белән алмашына.
