"И'тальян" спектакленең иҗат төркеме турында мәгълүмат
Нәселендә грузин һәм яһүд тамырлары булган пластика буенча режиссер Виктория Арчая икенче тапкыр Әлмәт театрында эшли (беренче эше– «Җил артыннан»).
Аның өчен бу спектакль – халыклар арасында тән һәм эмоциональ чагылышның уртак нокталарын эзләү.
"Без итальяннарның һәм татарларның хәрәкәт, караш аша хис-кичерешләрен күзәттек, - дип уртаклаша Виктория премьера алдыннан. Халыклар арасында уртаклык күзгә күренгәнгә караганда күбрәк булып чыкты. Без бер үк дәрәҗәдә диярлек ачуланабыз, шатланабыз, көләбез. Бу бердәмлекне без актерларның пластикасында, кул хәрәкәтләрендә, сулыш ритмы аша күрсәттек".
Викториянең хореографиясе "Итальян" комедиясенең темпераментын татар характерындагы эчке тыйнаклык һәм җылылык белән берләштерергә ярдәм итә.
