Әлмәт театры үзенең бүләкләр җыелмасын тагын ике җиңү белән баетты.
"Яңа сезон" халыкара фестиваль-бәйгесендә театрыбыз артисткасы Римма Заһидуллина "Академик вокал. Профессионал" номинациясендә беренче дәрәҗә лауреат дипломына лаек булды. Римма режиссер Сәрдәр Таһировски куйган "И"тальян" (К. Гольдони)спектакленнән "Русалка"("Су анасы") ариясен башкарды. Сүзләр авторы-Резедә Хәертдинова, композиторы - Ласло Бакк- Давид .
"Академик вокал. Һәвәскәр" номинациясендә театр артисты Рамазан Йосыпов беренче дәрәҗә лауреат дипломын яулады. Ул шул ук спектакльдән "In ginocchio da te" итальян җырын сайлаган иде.
Фестиваль-бәйгене оештыручылар - "Sforzando" башкару осталыгын үстерү буеча Төбәк хәйрия иҗтимагый фонды, ТР Мәдәният министрлыгы һәм Казан шәһәре башкарма комитетының мәдәният идарәсе.
