Нәкый Исәнбәт әсәре буенча Әлмәт театрында режиссер Илгиз Зәйниев куйган «Качаклар» спектакле өчен махсус язылган Эльмир Низамов композициясе дәрәҗәле бүләк яулады.
Санкт-Петербург шәһәрендә А.П. Петров исемендәге XIX ачык композиторлар конкурсы лауреатлары игълан ителде.
25 ноябрьдә Петербург музыкаль комедия театрының зур залында Гала-концерт белән А.П. Петров исемендәге XIX ачык композиторлар конкурсы тәмамланды. Гала-концерт нәтиҗәләре буенча «Эстрада җыры», «Бөек Ватан сугышы турында җыр», «Кино өчен музыка», «Балалар өчен җыр» номинацияләрендә лауреатлар игълан ителде.
«Кино өчен музыка».
Беренче премия — Эльмир Низамов (Казан), Нәкый Исәнбәтнең «Качаклар» пьесасы буенча куелган спектакльдә төп тема.
Көйне Вконтакте төркемендә тыңларга мөмкин.
Эльмир Низамовны чын күңелдән котлыйбыз! Горурланабыз! Шатланабыз!
