Кадерле тамашачылар! Аерым бер дулкынлану хисе белән без очрашуга – 82 нче театр сезоны ачылышына озаклап әзерләнәбез.
Артистлар актив репетицияләр үткәрә, режиссерлар һәм авторлар детальләр турында фикер алыша, цехлар декорацияләр һәм костюмнар өстендә җентекләп эшлиләр. Ә безнең сәнгатьнең төп автордашлары - сез. Иң мөһим моментларда сулышы туктап калган,залдагы көлүләр яки тынлык аша иң яхшы рецензия биргән тамашачылар.
Сезнең белән актерның һәр хәрәкәте, һәр карашы үзенчәлекле яңгыраш ала, уенны чын тормышка әйләндерә.
Театр - чынбарлык һәм фантазия арасындагы вакыт күпере. Ул сүзләрдән, көйләрдән, яктылыктан һәм тынлыктан төзелә.
17 сентябрьдә без сезне бу күпер аша беренче булып үтәргә чакырабыз. Мәшәкатьләрегезне онытыгыз, телефоннарыгызны сүндерегез, гаҗәпләнергә әзерләнегез.
Алда безне 82нче сезон көтә, ул тарихлар, хис-кичерешләр һәм ачышлар белән тулы. Ләкин бу кичә бары тик безнеке генә: сезнеке һәм сәхнәгә чыгучыларныкы.
Без сезнең өчен эшлибез. Һәрвакыт. Һәм яңа сезонның ачылышы озак еллар буе барган матур дуслыкның дәвамы булсын.
