Театр хезмәткәрләре үзләренең мәңгелек йортка күчкән хезмәттәшләренең каберләрен зиярәт кылдылар.
Әлеге чара Әлмәт театры тарихында җуелмас эз калдырган шәхесләргә зур ихтирам билгесе булды.
Камил Вәлиевның каберенә чәчәкләр утыртылды. Театр ярдәме белән Татарстанның халык, Россиянең атказанган артистына кабер ташы куелды.
Шулай ук Ибраһим Умеровның каберендә булдылар. Ул Әлмәт театры оешкан, труппа аякка баскан чорда-узган гасырның 1949-1958нче елларында эшләгән һәм театрның беренче атказанган артисты булган.
Авыр вакытлар булган ул: финанслау начар, декорацияләрне йөртергә мөмкинлек юк.Ә Әлмәт театры ул чорда күчмә театр булган,реквизит һәм декорацияләрне артистлар үз җилкәләренә күтәреп ташыганнар. Әмма театр яшәгән, спектакльләр чыгарган, авыллар буйлап гастрольләрдә йөргән.
Умеров каберенә театр һәм артистлар акчасына алынган яңа таш куелды.
